Huwag kang suwail Miguel!
Sa iyong kalikutan ikaw ay tumigil
Sapagkat mahirap na ika’y masupil
Sa ingay at kaguluhan ika’y magpapigil.
Iwasan mong saktan ang iyong kaklase
Sa mga laro’t gawain ikaw ay sumali,
Irespeto ang iba at maging kawili wili
Ang iyong pagbabago ay aming ipagbubunyi.
Tamang gabay ang aming panuntunan
Dito sa loob ng paaralan at sa buong pamayanan,
Kaya’t bigyan mo kami ng ibayong kahalagahan
Makinig sa aming sinasabi kung ika’y nahihirapan
Huwag mangamba at handa ka naming tulungan
Anumang problema, sabay nating masusolusyunan,
Kung ikaw lang ay aasal ng kabutihan
Naririto kami para iwaksi ang iyong karupukan.
Kaming mga guro ay para mo na ring ama at ina
Bibigyan ka ng paalaala sa tuwing ikaw ay sumusobra,
Maging mahinahon ka sana sa tuwi- tuwina
Tatanglawan namin ang daan kung saan ka pupunta.
INSIGHTS’ KEEPER 